Souvint dins pus d'un vaud'ville,
On vante l'ga-min d'Paris,
Mais jarnnis du garchon d'Lille,
On n'dit rien, J'in sus surpris.
Mi, pour réparer l'affaire,
Et dans l'espoir de vous plaire,
Hier, j'ai point gramint caché,
Pour fair' sin Portrait craché.
V'la l'portrait du garchon d' Lille,
In vérité mi, j'vous dis
Que ch-bon drille vaut bien l'gamin d'Paris.
Je n' parle point de s' tournure,
Quoique, à vrai dir', je l' trouv' bien.
Tant qu'à l' biauté de s' figure,
Elle est d' cheuss' qu'on n'in dit rien ;
Après tout, si les poquettes
L'on rimpli' d' petit's fossettes,
I' s' rapins, pou' s' consoler,
Qu'un biau mabré n'est point laid.
V'la l'portrait du garchon d' Lille,
In vérité mi, j'vous dis
Que ch-bon drille vaut bien l'gamin d'Paris
Il est glorieux pou' l' toilette,
Mais l' pauverté de ch' garchon
Fait qu' quand i' n'a point d' casquette,
I' porte un bonnet d' coton.
I' n'a souvint qu'eun' vieil' veste,
D'un fantassin l' dernier reste,
L' patalon d'un cuirassier
Et les viell's bott's d'un lancier.
V'la l'portrait du garchon d' Lille,
In vérité mi, j'vous dis
Que ch-bon drille vaut bien l'gamin d'Paris
Comm' il a l' goût du commerce,
Aussitôt qu'i' sait marcher,
A trafiquer i' s'exerce I' vind des molins d' papier,
I' fabriq' du pain d' curiche ,
Sans espoir de v'nir bien riche.
A l'époque, i' va tout coi,
Crier des Billets du Roi !
V'la l'portrait du garchon d' Lille,
In vérité mi, j'vous dis
Que ch-bon drille vaut bien l'gamin d'Paris
Rochin est un biau villache
Bien r'nommé pour ses bruants ,
Aussi, ch' garchon, tout bénache,
Y fait s' provision tous l's ans.
Il arrive avé s' boît' pleine,
Et nous crie, à perde haleine
« A bruants ! et à Rochin
N'ya du fu dins sin molin ! »
V'la l'portrait du garchon d' Lille,
In vérité mi, j'vous dis
Que ch-bon drille vaut bien l'gamin d'Paris
Quand il a quéq' sous dins s' poche
Il est contint comme un dieu,
I' va juer à l' galoche
Avec un aut' malin fieu.
S' i' gaingne, i' maing' des couq'-baques,
S'i' perd, i' li donn' des claques...
In tout cas, vous veyez bien
Qu'il a toudis d' l'agrémint.
V'la l'portrait du garchon d' Lille,
In vérité mi, j'vous dis
Que ch-bon drille vaut bien l'gamin d'Paris
Pour faire eun' farce fort drôle,
On peut dir' qu'il est malin.
J' l'ai vu mette eun' vieill' castrole
A 1' queu' d'un biau p'tit carlin.
In s' veyant dins ch'l équipache,
Ch' malheureux quien, comme in rache,
Au long de l' ville a couru,
Comm' mi, quand on sonne au fu.
V'la l'portrait du garchon d' Lille,
In vérité mi, j'vous dis
Que ch-bon drille vaut bien l'gamin d'Paris
On dit qu'eun' fo', à la r'traite,
Eun' douzain' de marmousets,
Six au coin de l' ru' d' Vingnette.
Les aute' à l' ru' des Robleds,
Aïant tindu eun' gross' corde,
Ont fait bourler, in désorde,
L' tambour-maître et les tambours...
On a ri d' cha pus d' huit jours.
V'la l'portrait du garchon d' Lille,
In vérité mi, j'vous dis
Que ch-bon drille vaut bien l'gamin d'Paris...
Aucun commentaire:
Enregistrer un commentaire
Remarque : Seul un membre de ce blog est autorisé à enregistrer un commentaire.