LES PRÉDICTIONS DE M'N ARMENA

  

Un armena une prédictions,

Ch'est un macavul' sans leunette,

Ch'est un lapin cuit sans angnons,__

Et des viell's gra'mèr'e sans crochettes.

Et v'la  et V'là !

Les prédictiens de m'n armena.!

 

Au mos d' Janvier i' gèl'ra dru :

Chaque noquère ara s' candéliette.

On aim'ra mieu' un air de fu

Que l' pus biel air de clarinette.

Et v'là ! et V'là

Les prédictions de m'n armena !          (bis)

 

 

Féverier, qu'on appel]' court-mos,

Nous donn'ra quéq' jours de carême.

On verra dins gramint d'indrots

Mainger pu d' lait-battu que d' crème...

Et v'là ! et v'là

Les prédictions de m'n armena !         (bis)

 

 

Mars ara des fameux gruos,

Aussi je n' crains point d' vous prédire,

Qu'in voyant vos sorlet' à tros,

Tous les cordonniers pouff'ront d' rire...

Et v'là ! et V'là

Les prédictions de m'n armena . (bis)

 

 

Au premier d'Avril, on verra

Des balous courir à l' moutarde.

Et ch'l amus'mint réjouira,

Pindant tout l' mos, pus d'eun' bavarde.

Et v'là ! et v'là                                                        

Les prédictions de m'n armena ! (bis)

 

 

Avecque l' mos d' Mai, arriv'ront

Biell's fleurs, vertes feulle' et rosées,

Alors aussi, des fleurs pouss'ront,

Qui n'ont point b'ioln d'ete arrousées.

Et v'là ! et v'là                                                        

Les prédictions de m'n armena !             (bis)

 

 

Si l' pleuve arrive à l' Saint-Médard,

A Lille, à Paris, comme à Vienne,

l' pleuv'ra quarant' jours pus tard.

A moins qu'avant l' biau temps ne r'vienne:

Et v'là ! et v'là

Les prédictions de m'n armena' !         (bis)

 

 

Du mos d' Juillet, l' forte caleur

F'ra boir' tisainne et limonnade.

Si l'un s'in trouv' bien, par malheur,

Pus d'un aut' s'in rindra malade.

Et v'là ! et v'là

Les prédictions de.m'n armena !          (bis)

 

 

L'Août fournira gramint d' blé,

Aussi combien d' gins nous répètent

Qu'on maing'ra du pain bon, marqué...

Si les grand marchands d' grains !'. permettent.,

Et v'là ! et v'là

Les prédictions de, m'n armena.!         (bis)

 

 

Tout Septembre nous apport'ra

Bien d' l'agrémint; vous povez m' croire,

Puisque dins ch' mos, chacun goût'ra

Les plaisirs qu' peut donner la Foire

Et v'là ! et v'là

Les prédictions de m'n armena !         (bis)

 

 

In Octobre arriv'ra, mes gins.

L' fiét' Saint-Crépin, I' temps des marées ;

Les cordonniers maing'ront d's hérings.

Avec des  bonn's gross's couq's chucrées...

Et v'là ! et v'là

Les prédictions -de,m'n armena !        (bis)

 

 

Novembre est un mos bien fameux,

Mais qui, malheureus'mint, nous ruine,

Aussi vous verrez d's amoureux

S' brouiller pou' l' fiéte d' Sainte-Cath'rine...

Et v'là ! et v'là                                          

Les prédictions de m'n armena ! (bis)

 

 

In Décembre, l' Petit-Jesus,

A vos p'tits garchons, vos p'tit's filles,

Si vous dépinsez quéq's écus,

Apport'ra gramint d' gross's coquilles.

Et v'là ! et v'là           

La prédictions de m'n armena       (bi