L'aute jour pour ramasser mes pronnes
J'a pris dins l'armoire inne maronne
Après avoir chés gambes fich'lées
J'a comminché à ramasser
Ch'étot vraimint très rigolo
Ej'n'a bien mis chinquante kilos
J'étos même très fier de m'n'affaire
In aurot cru inne montgolfière !
In grand chef èd la Jamaïque
M'a dit : "Missieu c'est magnifique"
J'acate in million d'chés trucs-là
Pour ramasser mes ananas"
Chés chinoises, tartoutes, ont d'mandé
D'u qu'chà s'trouvot el'Pas-de-Calais
Car pour porter leus jonnes sus l'dos
In plantant l'riz, ch'jus là'tot biau !
Mi j'cros qu'ch'in fameux filon
Pour el'minisse éd'l'exportation
I pourra m'dire in rute merci
Jé l'i a couvert sin défici !
Mais v'là l'diminche : oh queue affaire !
Quand déboula m'charmante belle-mère
Cachant après s'mignonne affaire
Pour s'arnouv'ler avant d'printe l'air
Et la morale de cette histoire
Ch'est qu'pour ramasser pommes et poires
Il faut à tout prix inne belle-mère
Qui seuche nantie d'in ...... gros derrière ! !
Aucun commentaire:
Enregistrer un commentaire
Remarque : Seul un membre de ce blog est autorisé à enregistrer un commentaire.