L’ECOURCHEU ED MIN TAÏ

 Ech va ichi essayer ed vous raconter s’n’histoire.

Avant ed prindre sin ramon et pis s’wassingue pour faire sin ménache,

Grand-mère al infilot s’nécourcheu pour pas salir é s’robe.

Al s’in servot pour artirer l’payelle brûlante dé ch’feu, et y

li servot aussi comme soufflet pou l’ranimer.

Al s’in servot comme drapeau pour nous faire v’nir minger.

Quand in soumaquot al frottot nous larmes avec.

Al nettiot aussi nous figures sales in rintrant dé ch’coron.

Ach poulailler y servot pour porter chés oeufs ou bien chés pouchins.

Çhétot chés légumes ou bien chés pommes ramassées ed su l’daine

qu’al ram’not dé ch’gardin.

Pour faire chés poussières d’su chés meupes ché incore li qui servot.

Quand y faisot frod al immoutouflot ses bras avec.

Quand des gins v’nottent al maison ché derrière li qu’in s’cachot.

Tous les jours arlavé, yétot prêt pour einne nouvelle journée.

Des fos l’soir vénu, al s’asseyot bien fatiguée dé s’journée et ché derrière li

qu’al cachot s’tiête pour pas faire vir é s’misère. P’ette bien qu’al y

parlot toùt bas comme à un camaratte des bons et mauvais momints.

In s’ouv’nir ed mémère Hétène