a min terri

 Ché à tes pieds que j’ai grandi in faisant l’bandit.

Ché là que j’ai beaucoup appris et ch’t’in mercie.

Y a des gins qui sans savoir dissent que t’es pas bieau

Pour mi chés des rigolos.

Ché pas ed leur faute, mais si savotent!

Alors ech va essayer ed leur expliquer:

Quand sur tes côtés poussent des orchidées,

Y devrotent t’app’ler majesté.

Commint leur faire comprindre que l’jus ed tes fleurs ché l’sueur des Mineurs.

Mi j’leur dis : « mes gins respirez bien l’odeur

Ed ché fleurs là cha s’ra pour vous un bonheur.

Ecoutez c’qui vous dit ch’terri

Ch’n’est pas pour autant qui vous f’ra

Einne complainte pou s’plainte

Ravisez le bien sorti dé s’n’éerin

Avec pour joyaux tous ses caillots

Bien sur in parlant ed paysache y s’print pas pou l’Phénix

Tout simplemint y veut eue un témoin

Alors, Ravisez, Ecoutez, Respirez

Et j’espère que vous comprindrez

Qu’à défaut d’ette bieau,

Ch’terri vu d’face comme ed dos

Y vot bien un Picasso.