Mari' – Rose I'verdurière,
In veyant l'aut' jour Lisa,
Triste comme un verr' sans b iére,
Li d'rnand' viv'mint chin qu'elle a.
Lisa qu'cheull' quession suffoque,
Pinse à sin sort, malheureux,
Ell' prind sin moucho, eun’ Ioque,
Et dit, ressuant ses yeux;
AIlez, bonn' Mari Rose,
Perdant m'n homm' si bon, si biau,
J'ai perdu l'pus biell' rose d’min capiau
« Ah ! ch'étot bien l' roi des hommes !
Su' l' rapport du naturel,
A l'époque ùch' que nous sommes
On n' trouv'rot point sin parel.
Il avot tou' in partache
Ch'étot l' mouton pou' l' bonté,
Un lion d'Afriqu' pou' l' corache,
Azor pou' l' fidélité.
AIlez, bonn' Mari Rose,
Perdant m'n homm' si bon, si biau,
J'ai perdu l'pus biell' rose d’min capiau
« Sur tout point, volant m' complaire,
Au point du jour i' s' levot,
Et, l' café, s' metto' à faire,
Ch' n'est qu'après qui m' réveillot.
D'un ton pus douch' que de l' crème,
Il m' dijot : « Bonjour Lisa !
iens, bas tin café, p'tit' femme,
Bos tout caud, cha t' révell'ra !
AIlez, bonn' Mari Rose,
Perdant m'n homm' si bon, si biau,
J'ai perdu l'pus biell' rose d’min capiau
« On sait qu'eun' femm' de ménache,
Quand elle a des p'tits infants,
Pass' bien des nuits sans dormache,
Qu'elle a pus d' pein' que d' bon temps.
Là-d'sus j' n'avos point d' misère.
Même au moumint d'ler sévrer,
Ch' n'étot point mi, mais leu père,
Qui s' levot pour les bercher.
AIlez, bonn' Mari Rose,
Perdant m'n homm' si bon, si biau,
J'ai perdu l'pus biell' rose d’min capiau
« I' leu donnot leu chuchette,
Du lait-bouli au chuc gris...
Il ca ntot : Dodo rainette
Pour tâcher d' calmer leus cris...
Su' ch' temps'là, comme eun' marmotte,
M,i j' dormos, et, j' m'in souviens.
Quéq'fos, j' rêvos, comme eun' sotte,
Qu' tous les homm's ch'est des vauriens.
AIlez, bonn' Mari Rose,
Perdant m'n homm' si bon, si biau,
J'ai perdu l'pus biell' rose d’min capiau
« Nous avîm's quinze ans d' mariache,
Et dins ch'l' espace assez long,
Jamais m'n homm' n'a fait tapache.
Et n' m'a dit pus haut qu' min nom.
Quand i' m' veyot dins l' tristesse,
Pour un rien, vingt fos par jour,
Il m' dijot chés mots d' tendresse
Min p'tit quin, m' petit' moumour
AIlez, bonn' Mari Rose,
Perdant m'n homm' si bon, si biau,
J'ai perdu l'pus biell' rose d’min capiau
« Quand j' pins' qu'un catarrhe, eun' tousse,
A détruit tout min bonheur,
J' brais mes yeux déhors, et j' pousse
Un gros soupir qui m' find l' coeur... »
Mari'-Rose, à cheull' parole,
Dit quéq's mots d' consolation,
Mais Lisa, que rien n' console,
In tahütant, li répond
« Taijez-vous, Mari'-Rose,
Perdant m'n homm' si bon, si biau,
J'ai perdu l' pus biell' rose
D' min capiau. »
Aucun commentaire:
Enregistrer un commentaire
Remarque : Seul un membre de ce blog est autorisé à enregistrer un commentaire.