L'canchon d'Estaires

 Ah ! Et dire qu'in blaguot

Sur chés Estairos
Chés Baudets de bourjos
Mais à c't'heure nous païs
D'pis qu'in l'a r'bâti
Ché v'nu l'paradis

1er couplet

Ed'vant guerre, nou Estaires
Chétot in biau païs
In n'y faijot point d'manière
In étot tartous d'zamis
Y avot bien parchi parlà
Quéqu' pétites discussions
Ché quécose qui arrive
Dins gramin d'masons

 

2ème couplet

L' guerre est arrivée
Nous païs y a été rasé
Chés hommes mobilisés
Chés femmes évacuées
Et ché comme cha mes gins
Que dins tous les coins d' France
Pindant eine paire d'années
In a vu des baudets.

 

3ème couplet

Quand deux femmes y s'voyottent
Etant évacuées
L'première cose qui faijottent
Ch'étot d' s'imbrasser
Cha ché pour vous prouver
Ecoutez bien mes gins
Que pour s'aimer gramin
Faut s'séparer  souvint

 

4ème couplet

Pour rintrer din Estaires
In avot du faire un pont
In pont au d'sus d'la Lys
Ch'tot point le'pont d'Avignon
Quand in allot à l'Gorgue
Vers dij heures pour affaires
Si passot tros baquets
Fallot rester dainer

 

 

5ème couplet

Pour aller à Bétheune
In avot in tramoué
Mais pour nous faire endéver
Y faijot del finquée
Pour monter ch'pont de la Meuse
Vous l'avez tartous vu
Y devot prenne des pintes
In sortant del grand rue.

 

6ème couplet

Avant guerre à Estaires
Pour toute commodité
In avot l'io de la Lys
L' gaz et les quinquets
A c't'heure, in a in château d'io
Et des passages cloutés
L'gaz, l'électricité
Et mes gins vous s'plingez

 

7ème couplet

Allons, bonnes gins d'Estaires
N'dites pu d'ma d'vous païs
Ch't'eine bonne vaque à lait
Qui vous a tartous él'vés
Mi, je m'dis qu'après tout
Dins chés pays qu'in a passés
Si in étot mieux qu'ichi
In s'rot restés partis

 

8ème couplet

D'pis l'antiquité
Estaires y est visité
Par des autorités
Et même des députés
In a eu Lord Kitchener
Et pis l'Roi d'Angleterre
In a même eu à l'Pintcoute
L'délégué d' Plymouth.