LE JOUR DE L'AN

  

Puisque vous m'donnez la parole

Pour roucouler un p'tit couplet,

Sur eun'fiêt' qui_. m'parait fort drôle

J'vas vous déblouquer min cap'let,

Et si cheull' canchon peut vous plaire,

J'in sus sûr, chacun d'vous rira

Et dira : ah ! qu' ch’est cha !

Ch'cadet là n'est point si sot qu'i' veut bien l'faire,

O^rn peut dir' qui connot l'trantran

Du jour de l'an ! du jour de l’an !

Du jour de l'an ! du jour de l’an !

 

On est incor à l' Saint-Sylvestre,

Déjà tout l' monde est sans sus d'sous

Un homm' s'in va dégager s' veste,

L'aut' vind l' sienn' pour avoir quéq's sous...

On vot les femm's les moins propettes

Ouvrer d'action pour nettoyer,

Répourer,Récurer,Et laver

L' cuive et l'étain, l' poêle et l's assiettes,

Meubles, planquers, tout l' bataclan !...

V'là l' jour de l'an ! V'là l' jour de l'an !

V'là l' jour de l'an ! V'là l' jour de l'an !

 

                                           

Avant que l' diable euch' mis ses bottes,

Tous les gins saut'nt in bas d' leus lits,

Les femm's fris'tent leus papillottes.

Les homm's indoss'tent leus habits,

Et, tout glorieux d' leus biell's toilettes,

I' s'in vont tout in se r'vettiant,

S' pourmirant,S'admirant,Comme un paon...

I' march'tent drot comm' des baguettes,

On les croirot mi' au carcan...

V'là l' jour de l'an ! V'là l' jour de l'an !

V'là l' jour de l'an ! V'là l' jour de l'an !

 

 

Alors, chacun fait ses visites

A ses amis, à ses parints.

Ch'est là qu'on vot des hypocrites,

Tourner les pus biaux complimints.

Pour débiter leus biell's paroles,

l' preinn'nt un p'tit air de bonté

«  Bonne ainné',Bonn' santéEt gaité !... »

Quand il' ont dit chés fariboles,

L’ les quitt'nt in les critiquant...

V'là l' jour de l'an ! V'là l' jour de l'an !

V'là l' jour de l'an ! V'là l' jour de l'an !

 

Pour les gins qui sont dins l' misère,

Ch'est eun' journé' d' désagrémint.

Chaque infant, l' velle, a r'chu de s' mère,

Eun' leçon pou' d'mander d' l'argint.

Il s'y prind quasimint d' cheull' sorte :

« Mettez vos mains dies vos saclets,

Vous verrez Chin qu' vous allez M' donner !...

Et si l' somm' n'est point assez forte

L'infant s'in va tout in brayant !...

V'là l' jour de l'an ! V'là l' jour de l'an !

V'là l' jour de l'an ! V'là l' jour de l'an !

 

Moins d' vérités que d' mintiries,

Gramint d' promesse' et peu d'effets ;

Des sott's caress's, des plat's flatt'ries,

Un dard muché dins les souhaits.

Méfiez-vous bien, gins trop crédules,

D' raconter les s'crets d' vo' mason,

Quéq' luron Au jargon For' in r'noni,

Y trouv'ra des ridicules

Pour amuser l' premier passant.

V'là l' jour de l'an ! V'là l' jour de l'an !

V'là l' jour de l'an !V'là l' jour de l'an !

 

 

Infin, v'là comm' finit cheull' fiéte

A Porche d' parler, d'avaler

De l' bièr', du schnick et d' l'anisette,

Les pus crainn's finitt'nt pal s' soûler.

Alors on n' vot pu qu' des disputes.

A chaq' coin d' ru' des batillards,

Des braillards,Des soûlards,Des gueulards,

Qui se r'pouss'nt et faitt'nt des culbutes...

La garde met fin à ch' boucan.

V'là l' jour de l'an ! V'là l' jour de l'an !

V'là l' jour de l'an ! V'là l' jour de l'an !