L'CABANE AU FOND DU GARDIN
eune tchiote cabane in planques
dins ch'gardin sous chés branques
sur l'porte au milieu bin déssiné
un tro in forme ed'coeur décopé
quand te t'approches t'indinds
des tas ed'mouques boudonner
cha dot ête l'odeur du brin
qui suremint les ara attirées
quand t'eufe l'porte te vos
acrrochés à ch'mur sur un clo
des morcieaux ed'journal
copés tertous à l'même talle
cha fait passer l'temps ed'lire
chés artiques qu'in a déjà lus
ch'est après qu' in va s'in servir
pour s'essuyer, ch'est pas perdu
quand y fait bon qu'ch'est l'été
in a pas ed'problème pour y aller
mais quand y gèle, dins l'frodure
t'as du mal à inlever t'cheinture
t'y vas vraimint par nécessité
pasque te préfèreros t'in passer
mais cha ch'est comme décéder
quand faut y aller faut y aller
Aucun commentaire:
Enregistrer un commentaire
Remarque : Seul un membre de ce blog est autorisé à enregistrer un commentaire.