MANICOUR

 

Manicour est l'biau garchon qu'j'ai-me.

Ch'est point sans raisons,

AIlez j'in réponds, Il     a l'voiss' pus douch’ que de l’creme

Des yeux terluijante

Comm' des viers luijants.  

Quand i' veut s'mèler

D'les fa r' briller sur cheuss' d'eun' fem-me..

Elle a du bônheur s'i n'li prind point sin coeur.

Fill' qui n'a point cônnu l’amour,

ch'est qu ell' n'a point vu Manicour.

L'amour, l'amour,           

D'rot s'app'ler Manicour.

L'amour, l'amour

D’rot s’app’ler Manicour

 

Manicour a d' l'esprit comm' quate.

I' fait tous les jours, Trint'-six calembours ;

I' sait, pour donner des cops d' patte,

Si bien s'espliquer,

Qu'on n' peut répliquer ;

I' fait des couplets,

Uch' que gob'lets

Rime avec jatte ;

Ses r'frains sont pleins d' Tra

La la ! La Trou ! La la

Fill' qui n'a point cônnu l’amour,

ch'est qu ell' n'a point vu Manicour.

L'amour, l'amour,           

D'rot s'app'ler Manicour.

L'amour, l'amour

D’rot s’app’ler Manicour

 

Manicour est fort sur la danse

Ch'est plaisi de l' vir

Fair' des pas d' zéphyr,

Des interchats pleins d'élégance,

Des ail's de pigeon ;

Des sauts qu'au plafond !

Quand je l' vos s' lancer,

Je m' sins bronser...

Malgré s'n aisance,
I' m' senn' que j' vas vir

Ses gambes s' démolir.

Fill' qui n'a point cônnu l’amour,

ch'est qu ell' n'a point vu Manicour.

L'amour, l'amour,           

D'rot s'app'ler Manicour.

L'amour, l'amour

D’rot s’app’ler Manicour

 

 

Manicour connot bien l' musique.

I' ju' du piston,

Cant' comme un pinchon.

I' veut fair' mieux, car, i' s'applique

A povoir canter,

Et s'accompagner !...

S' i' peut parvenir

A réussir,

Cha s'ra comique,

D'intinde s' canchon

In mêm' temps qu' sin piston 1

Fill' qui n'a point cônnu l’amour,

ch'est qu ell' n'a point vu Manicour.

L'amour, l'amour,           

D'rot s'app'ler Manicour.

L'amour, l'amour

D’rot s’app’ler Manicour

 

 

Manicour, instruit su' l'histoire.

Vous ramintuvra

Tout chin qu'on vodra,

I' vous suffira d' li fair' boire

Un simple canon,

Pour qu'i' trouve au fond,

Ou' les Rois, l' Parjuré,

L' Roetare,

Vienn't avant la Foire ;

Et 1' Saint-Nicolas

Bien après l' Mardi Gras.

Fill' qui n'a point cônnu l’amour,

ch'est qu ell' n'a point vu Manicour.

L'amour, l'amour,           

D'rot s'app'ler Manicour.

L'amour, l'amour

D’rot s’app’ler Manicour

 

 

Manicour, avé s'n air cocasse
Et ses tours si biaux,
F'rot rir' des caillos,

I' saute, i' dans' comme un payasse,

I' fait des timblets

Et des badoulets ;

Il imite l' quien,

L' cat, l' canarien,

L' merle et l' bécasse ;

Quand i' fait l' baudet,

On crot vraimint qu'i' l'est...

Fill' qui n'a point cônnu l’amour,

ch'est qu ell' n'a point vu Manicour.

L'amour, l'amour,           

D'rot s'app'ler Manicour.

L'amour, l'amour

D’rot s’app’ler Manicour

 

 

V'là quasimint l' portrait de ch' drille.

Par dessus tout cha,

On peut dir' qu'il a

L' coeur d'un lion, les traits d'eun' jeun' fille,

L' prestanc' d'un soldat,

L' japp d'un avocat.

Courez, parcourez,

Si vous trouvez

Dins l' vill' de Lille

Un homm' si parfait.

J' vous pairai du café 1...

Fill' qui n'a point cônnu l’amour,

ch'est qu ell' n'a point vu Manicour.

L'amour, l'amour,           

D'rot s'app'ler Manicour.

L'amour, l'amour

D’rot s’app’ler Manicour