Une femme Discrete

  

Connaichez  vous p'tit' Mad'lon,

L'fill’ d'un ancien de l'vieill' garde ?

Les pus grand's bavardé in r' nom,

Près d'elle n'sont qu'de l 'moutarde.

Hier sur nos voi­sins,ell' m'a v'nu d'viser,

D'puis les pieds qu'à l'tiéte, ell' les a r'nippés.

Si j'volos comme ell' fai re l'babillerde,

Des histoir's fort drôl's j’in diros pus d'chint.

Mais je - n'di rai rién ! Non, je n'dirai rien !

Car cha n est point bien d'dir du ma des gins

Toinette et Pierr'-l'Amiteux

Vont bétot s' mette in ménache.

Pierre est tell'min' amoureux,

Que ch' n'est pus d' l'amour, ch'est ache.

Mais s' maitress' Toinette a, dins l' temps, connu

Un biau mirliflor !... Il a disparu !...

Si j' volos m' mêler d' fair' manquer ch' mariache,

J' racont'ro à Pierre eun' coss' que j' sais bien...

Mais je - n'di rai rién ! Non, je n'dirai rien !

Car cha n est point bien d'dir du ma des gins

L' femm' d'un ouverier filtier,

Dins s' toilett' n'a rien qui cloche ;

On sait pourtant qu' de ch' métier,

L' gain n' fait point rouler caroche...

Mais cbeull' petit' femme a des si biaux yeux

Qu'on n' peut point les vir sans n'n ête amoureux.

Avec des biaux yeu' et des courtes Gauches,

On dit qu'. ch'est assez pour gaingner du bien...

Mais je - n'di rai rién ! Non, je n'dirai rien !

Car cha n est point bien d'dir du ma des gins

L' fill' d'un marchand d' macarons,

D'puis quéq' temps s'a fait dévote,

A l' messe, au sermon, ch' laidron

Fait tous les manièr's d'eun' sotte,

Quand ell' sait qu'on l' vette, elle pousse un soupir,

Elle buque s' poitrine, in guiss' de r'pintir...

On n' se dout'rot point qu'eun' pareil' bigotte,

A d'ja mi' au monde un p'tit citoyen.

Mais je - n'di rai rién ! Non, je n'dirai rien !

Car cha n est point bien d'dir du ma des gins

Et cheull' faijeuss' de café,

Qui dit l'av'nir des fillettes !

Pour rappéler sin passé,

Je n' mettros point des manchettes.

Ch'l espèce d' sorcière, i' n'y-a point vingt ans,

Etot courtisé' par nos verts-galants ;

Craint' d'user ses pieds, din' eun' vinaigrette.

Ell' se faijot m'ner par un q'va-quertien 1

Mais je - n'di rai rién ! Non, je n'dirai rien !

Car cha n est point bien d'dir du ma des gins

J' n'ai dit qu'un bout d' min cap'let,

Pour passer l' revu' d'mes troupes.

Ch'ti qui m'a copé 1' filet

N'a point volé ses six doupes.

Cheull' langue est bien bonn', mais je n' m'in sers point

Sans cha, j'in diros jusqu'à d'main matin.

V'là m' façon d' pinser : toudis soingner m' soupe,

Et laicher brûler l' soup' des paroissiens...

Je n' me mêl' de rien,

Jamais je n' dis rien,

Car cha n'est point bien

D' dir' du ma des gins.